جمع مؤنث سالم

– زميلة عزيزة كانت بتجمع كلمة “عصير” على “عصيرات” .. بداية الموضوع كان ضحك و شيء من السخرية ثم بقليل من التفكير تذكرت الطريقة دي في جمع الكلمات في أوساط السيدات الريفيات .. فهن يجمعن كلمة “زيت” على “زيتات” و كلمة “سمن” على “سمنات”.
– بوست أخر قريته كان عن كلمة “كانز” إللي بنوصف بيها عبوة (can) الحاجة الساقعه و بنجمعه علي “كنزات”.

تفتكروا في سر معين بيخلينا نجمع كتير من مصطلحاتنا (العربية الأصل و غير العربية) بالجمع المؤنث السالم ده حتي لو كنّا بنستخدمهم في سياق أي نص بصيغه المذكر و هما في حالة المفرد ؟ على سبيل المثال و ليس الحصر (بوست و بوستات و البوست ده .. كومنت و كومنتات و الكومنت ده .. تاكسي و تاكسيات و التاكسي ده .. أضف المزيد من ذاكرتك)

الحوار كامل

Bookmark the permalink.

أترك تعليقك