حسن الشرق

المدافن في المنيا إسمها “الشرق” لأنها في الضفة الشرقية للنيل ، و على عكس الأقصر إللي المقابر الفرعونية فيها في البر الغربي ، المنيا فيها المدافن الفرعونية و غير الفرعونية كلها في الشرق (أللهم إلا القري النائية في غروب المدينة و المراكز) .. و كنت بعدي على حاجة كده مستحيل يكون ده موقعها ، بيت مزين و مكتوب عليه “معرض الفنان حسن الشرق” ، بس مكنتش بركز قوي فيه لأني يا إما في سكتي لميت رايح أدفنه ،أو في سكتي راجع من دفنته.
و لما الإنترنت إنتشر أكتر و الفيسبوك بقي بطاقة دخول لعوالم و شخصيات مختلفة و متنوعة في مصر و الدنيا كلها ، إتفرجت بقي على الفنان حسن الشرق و التحف إللي جوا.

فرس النهر

لوحة المولد النبوي الشريف لوحات متنوعة  2 لوحات متنوعة 1لوحات متنوعة3

إزاي الواحد كان جنبه العظمة دي كلها و يكتشفها من الإنترنت؟! .. المهم هو ده البرنس الفنان حسن الشرق.

و بروفايله ع الفيسبوك (هنا)

حسن الشرق

 

طرد من مجهول

في حد معرفوش باعت لي طرد معرفش فيه إيه علي عنواني في المنيا .. طرد حضرتك وصل و أنا معرفش فيه إيه و مش هعرف أستلمه لأني سبت المنيا من سنتين يا بني آدم برأس قرن فول حراتي ، و الطرد هيرجع لك تاني منكسر ذليل عشان تبطل تبعت لي حاجة من غير ما تقوللي.