أدوية أسنان متشابهه مع أدوية أمراض النسا

النهاردة تاني مرة في حياتي المهنية أشوف الموقف ده يحصل قدامي ، مريضه تاخد روشته الدواء إللي مكتوب فيها مضمضة فم ، ف البياع في الصيدلية يصرف لها تشطيف مهبلي vaginal douche
ده لعدة أسباب منها إن البياع في الصيدلية يا اما خريج تخصص تاني او مستجد  في الوقفه في الصيدلية. بجانب تشابة أسماء الأدوية و طبعاً المريض إللي مش بيقرا و يتأكد إن هو ده الدوا اللي المفروض ياخده (بس دي نقطة فرعية) .

المهم النهاردة مسكت الـ Drug Index و قلبت فيه إكتشفت إن في مستحضرات كتير بتستخدم في الأسنان لها نفس الإسم في مستحضرات النسا ، زي البيتادين و الأمريزول و النيستاتين و الميكوناز و الدالاسين و الصن سولا و البي فريش .

يا ريت الزملا من أطباء أسنان و صيادلة ياخدوا بالهم عشان الموضوع مهم حتي و إن كان نادر الحدوث.

Bookmark the permalink.

أترك تعليقك