Jo Frencken

بالصدفه عرفت إن Jo Frencken هيطلع معاش الشهر الجاي.
الراجل ده له فضل عليا و علي عدد لا بأس به من أطباء أسنان جامعه المنيا .jo-frencken
أستاذ هولندي في جامعة Radboud University كان بيلف العالم يعلم أطباء الأسنان ما يعرف بعلم الـ ART (Atrumatic Restorative treatment) ببلاش من غير ما ياخد و لا مليم .
د.عبير فراج (أستاذة بقسم العلاج التحفظي في كلية طب أسنان المنيا) قدرت تجيبه لجامعه المنيا .

فقوم إيه بقي ، رئيس الجامعه وقتها د.ماهر جابر يطلب منها إنها تدفع إيجار للكراسي بتاعت العيادات إللي هيدربنا فيها الراجل إللي جاي متطوع أصلاً.
فهي مشكورة مأجورة توجهت لـ د.محمد بكر مدير إدارة طب الأسنان في مديرية صحة المنيا و رحنا أخدنا الكورس في مستشفي التأمين الصحي و ورشة العمل كانت في مستشفي المنيا العام ببلاش من غير ولا مليم .
نرجع لـ “يو فرنكن” ،أنا بعت له إيميل و أنا فاقد الأمل إنه يرد ، فوجئت إنه رد في خلال دقائق و بعد دردشة قصيرة عرفت إنه هيطلع معاش الشهر الجاي ، فقلت أبلغكم لو حد حابب يبعت له رسالة شكر و للا حاجة [email protected]

( الشكر بالتأكيد موصول للـ أ.د.عبير فراج و د.محمد بكر و لكل أستاذ جامعي علمني بجد و حق و حقيقي في الكلية مش أنصاف المتعلمين إللي بيتنططوا على الطلبة إللي شوفتهم و بسمع عنهم من وقت للتاني)

Bookmark the permalink.

One Comment

  1. I will certainly send him a thank you email. The experience was one of a kind. Thank Dr. Ibrahim for your vigilance and courtesy

أترك تعليقك