الفرق بين المعايير و السياسة في مكافحة عدوي المنشآت الصحية

المكرونة بالبشاميل لابد أن تحتوي على مكرونة و بشاميل .. ممكن تحط موتزاريللا من فوق أو متحطش ، ممكن تحط لحمة مفرومة أو ماتحطش ، ممكن تاكلها باردة أو سخنة براحتك .. المهم إنها لازم تحتوي على عنصرين (مكرونة) و (بشاميل).

هو ده الفرق بين (معايير) مكافحة العدوي ، و (سياسة) مكافحة العدوي.

المعايير ثابتة ما بتتغيرش إلا نادراً جداً و بعد أبحاث علمية و دراسات مستفيضة ، أما السياسة فعادي ممكن كل عيادة/مستشفي/وحدة صحية تغيرها بما يتناسب مع إمكانيات المكان و العاملين فيه.

أتمني إني اكون وضحت النقطة دي لكل اللي سئلوا إحنا ليه بنخصص يوم محدد لمرضي الإيدز و باقي أيام الأسبوع لمرضي فيرس C في عيادة الأسنان بمستشفي حميات إسكندرية.

عشان تقول إن إحنا بنلتزم بالمعايير و للا لأ ، لازم تيجي و تشوف و تقول إحنا بنلتزم بالمعايير بنسبة 90% أو 80% أو 70% أو 0% … أما لو هتحكم من خلال السياسة يبقي تتفضل أعزمك على مكرونة بالبشاميل و أشرح لك بتفصيل أكتر