كل سنه و أنتم …أى حاجه

المتشائم دوماً و أبداًً

و طبعاً الهلال ف مصر لازم يكون دايماً الشريك المخالف

يعني العيد ف السعودية و فلسطين و ليبيا التلات و إحنا عندنا الأربع

مش عارف .. هو ليه هلال شوال دايماً مستقصدنا ؟

—

فى 21 يوليو اللى فات فتحت عيادتي الخاصة

و من ساعتها و أنا مش عارف أكلمكم زي الناس

هنشر لكم صورها قريب إن شاء الله

—

إنتقلت فى 16 سبتمبر لإدارة مكافحة العدوى بمديرية الصحة ف المنيا

يعني مسئولية تطبيق و تدريب و مراقبة و تفتيش البرنامج القومي لمكافحة العدوى ف 18 مستشفى ف المنيا بقت ف رقبتي أنا و مدير الوحدة و طبيبة تانية جايه ف السكه

فاكرين صور أبو سيدهم :D

للأسف لسه مستشفى أبوسيدهم دي مش خاضعة للبرنامج ف مش تحت عنينا قوى

بس ف يناير 2009 يمكن ربنا يقدرني و أوفر لعيادة السنان هناك مستلزمات مكافحة العدوى أو أقفلها خالص و أريح الناس منها

—

دكاترة السنان إضحك عليهم تمام ف موضوع الزيادات الأخيرة لمرتبات الأطباء دي

يعني الطبيب المقيم الغلبان أبو فلنه مقطعه زودوه 350%

و إعتبرونا إحنا كبار و إخصائيين و زدنا 30% بس

مش عارف نقطع فلناتنا إحنا كمان و للا إيه؟

انا شفت النقيب الخميس اللى فات و كان على لساني أقوله حلوين شوية قصاقيص الجرايد اللى ملزقهم على حيطان النقابه

يعني المفروض الواحد لما يشوفهم يقول “الحمد لله .. و الله نقابتنا مش ساكته و النقيب هاري نفسه تصريحات و إنتقادات للوزير على الظلم اللى إتظلمناه فى الزيادات الأخيره”

الحمد لله إنى ربنا كرمنى بالعياده أوقفها على رجليها و يسهل لبتوع السنان اللى متخرجين جديد .. يبقوا يسرحوا بلب و سوداني

و عاش النقيب

—

مصر بقت عامله زي الراجل المكرمش اللى ف الصورة اللى فوق دي

مش عايزة غير واحد بمسدس و يضربها طلقه ف دماغها

—

هو أنا ليه باكتب بالعامية ؟

المهم

كل سنه و أنتم .. أى حاجه

« لماذا لا أريد أن أتحدث معكم



11 تعليق to “كل سنه و أنتم …أى حاجه”

  1. كل عام وحضرتك .. أي حاجة

    لأ ، إن شاء الله .. يكون عيد سعيد

    كل عام وأنتم بخير ، وإلى الله اقرب

  2. كل عام وأنت والكل بخيـــر

  3. الاهم من المهم هو الصورة اللي حاططها في اول البوست…شكلو معيد هالحج…
    ما علينا…كل عام وانت بالف خير…
    هيك احنا يا عزيزي,…حتى الهلال بفرقنا…
    شو نعمل… مش بيدنا

  4. ~{ تقبل الله صيامكم وقيامكم

    عســــــاكم من عوادهـ
    كــــ عام وانتم مضيعين :) ــــــــــــل }~

  5. اولا احب اقولك كل سنه وانت طيب

    ثانيا موضوع ان الهلال فى مصر زى الشريك المخالف فات عارف اننا اسياد قرارنا ولازم يكون لنا وضعنا الخاص ومش زى باقى امه الاسلام!!!

    ثالثا ياريت تخفف شويه عن الدكاتره لانهم غلابه وطالع عينهم فى البلد دى

    شكرا ومره تانيه كل سنه وانت فى احسن حال والعيد الجاى يكونوا طبقوا لكم الكادر انتوا كمان

  6. و أنتم بالصحة و السلامة أجمعين
    شكرا لمروركم و عيد سعيد

  7. عادية صديقي، نحن عيدنا كان الأربعاء، يعني دقق على عيدنا، لأنو عيدنا غير عيدكن غير عيد الخليج، كيف ليش مين، ما بعرف.

    المهم كل سنة وأنت سالم، ومبروكة العيادة، بانتظار الصور.

  8. ألف مبروك يا دكتور فتح العياده … وعقبال ما نسمع عن مستشفى الدكتور ابراهيم لصيانة الأسنان والعضل وعمل الريجيم

    تستاهل الخير يابو خليل ..

  9. كل عام وانت بخير
    والله يعينك :)

  10. iهو صحيح انا وصلت متأخرة اوى على التدوينة بس المهم اني وصلت
    حمداً لله على السلامة يا دكتور
    ده اولاً
    ثانياً بقى الحمد لله اني ما قريتش التدوينة دي ليلة العيد كان هيجيلي اكتئاب من الصورة الي فوق دي

    ألف مبروك العيادة وعقبال المستشفى التخصصي قريب

  11. وينك من زمان مش عايز تسمعنا اخبارك … اشتقنالك و اشتقنا لمواضيعك … وبعدين وين صور العيادة ؟

أكتب تعليقك