كل سنه و أنتم …أى حاجه

المتشائم دوماً و أبداًً

و طبعاً الهلال ف مصر لازم يكون دايماً الشريك المخالف

يعني العيد ف السعودية و فلسطين و ليبيا التلات و إحنا عندنا الأربع

مش عارف .. هو ليه هلال شوال دايماً مستقصدنا ؟

فى 21 يوليو اللى فات فتحت عيادتي الخاصة

و من ساعتها و أنا مش عارف أكلمكم زي الناس

هنشر لكم صورها قريب إن شاء الله

إنتقلت فى 16 سبتمبر لإدارة مكافحة العدوى بمديرية الصحة ف المنيا

يعني مسئولية تطبيق و تدريب و مراقبة و تفتيش البرنامج القومي لمكافحة العدوى ف 18 مستشفى ف المنيا بقت ف رقبتي أنا و مدير الوحدة و طبيبة تانية جايه ف السكه

فاكرين صور أبو سيدهم 😀

للأسف لسه مستشفى أبوسيدهم دي مش خاضعة للبرنامج ف مش تحت عنينا قوى

بس ف يناير 2009 يمكن ربنا يقدرني و أوفر لعيادة السنان هناك مستلزمات مكافحة العدوى أو أقفلها خالص و أريح الناس منها

دكاترة السنان إضحك عليهم تمام ف موضوع الزيادات الأخيرة لمرتبات الأطباء دي

يعني الطبيب المقيم الغلبان أبو فلنه مقطعه زودوه 350%

و إعتبرونا إحنا كبار و إخصائيين و زدنا 30% بس

مش عارف نقطع فلناتنا إحنا كمان و للا إيه؟

انا شفت النقيب الخميس اللى فات و كان على لساني أقوله حلوين شوية قصاقيص الجرايد اللى ملزقهم على حيطان النقابه

يعني المفروض الواحد لما يشوفهم يقول “الحمد لله .. و الله نقابتنا مش ساكته و النقيب هاري نفسه تصريحات و إنتقادات للوزير على الظلم اللى إتظلمناه فى الزيادات الأخيره”

الحمد لله إنى ربنا كرمنى بالعياده أوقفها على رجليها و يسهل لبتوع السنان اللى متخرجين جديد .. يبقوا يسرحوا بلب و سوداني

و عاش النقيب

مصر بقت عامله زي الراجل المكرمش اللى ف الصورة اللى فوق دي

مش عايزة غير واحد بمسدس و يضربها طلقه ف دماغها

هو أنا ليه باكتب بالعامية ؟

المهم

كل سنه و أنتم .. أى حاجه

15 thoughts on “كل سنه و أنتم …أى حاجه”

  1. الاهم من المهم هو الصورة اللي حاططها في اول البوست…شكلو معيد هالحج…
    ما علينا…كل عام وانت بالف خير…
    هيك احنا يا عزيزي,…حتى الهلال بفرقنا…
    شو نعمل… مش بيدنا

  2. اولا احب اقولك كل سنه وانت طيب

    ثانيا موضوع ان الهلال فى مصر زى الشريك المخالف فات عارف اننا اسياد قرارنا ولازم يكون لنا وضعنا الخاص ومش زى باقى امه الاسلام!!!

    ثالثا ياريت تخفف شويه عن الدكاتره لانهم غلابه وطالع عينهم فى البلد دى

    شكرا ومره تانيه كل سنه وانت فى احسن حال والعيد الجاى يكونوا طبقوا لكم الكادر انتوا كمان

  3. عادية صديقي، نحن عيدنا كان الأربعاء، يعني دقق على عيدنا، لأنو عيدنا غير عيدكن غير عيد الخليج، كيف ليش مين، ما بعرف.

    المهم كل سنة وأنت سالم، ومبروكة العيادة، بانتظار الصور.

  4. ألف مبروك يا دكتور فتح العياده … وعقبال ما نسمع عن مستشفى الدكتور ابراهيم لصيانة الأسنان والعضل وعمل الريجيم

    تستاهل الخير يابو خليل ..

  5. iهو صحيح انا وصلت متأخرة اوى على التدوينة بس المهم اني وصلت
    حمداً لله على السلامة يا دكتور
    ده اولاً
    ثانياً بقى الحمد لله اني ما قريتش التدوينة دي ليلة العيد كان هيجيلي اكتئاب من الصورة الي فوق دي

    ألف مبروك العيادة وعقبال المستشفى التخصصي قريب

  6. ليه الواحد لحد دلوقتى عايش ومهوش حاسس انو عايش علشان الدنا ملطشه معاه الواحد خلاص قرب يمل
    قلولى حل ارجوكم قبل ما انتحر
    ماسات طالب ثنوى

  7. وينك من زمان مش عايز تسمعنا اخبارك … اشتقنالك و اشتقنا لمواضيعك … وبعدين وين صور العيادة ؟

  8. الموظف العربي وحلم زياده في الراتب
    اصبحة عقيده عند الموظف العربي من خليج المتعه الى المحيط النائم حلم زيادة الراتب والتعويضات وطبعا الحكومات العربيه تعمل على سياسيه
    اقتصاديه قائمه على العصى والجزه بحيث يبقى المواطن العربي مشغول في تحسين وضعه المعاشي ونسيان المطالب الاخرى من حرية التعبير الى
    الديمقراطيه الى تداول السلطه ان الشعوب العربيه مشغوله وبشكل دائم في تحسين الوضع المعاشي لديها والحكومات العربيه مشغوله في زيادة
    سياسية الندره في المجتمع العربي ولقد وصل الامر عند بعض الحكومات العربيه الى جعل رغيف الخبز نادر واشغال الجيوش العربيه في تشغيل
    الافران من اجل الكفاح ضد ندرة الخبز وهناك امر عجيب في هذه الامه ان المال موجود فقط في دول المتعه العربيه /الخليج/ وطبعا هناك المجتمع
    مستهلك غير منتج ويعتمد بشكل كبير على الانتاج الغربي و نرى في باقي الدول العربيه امكانيات بشريه وعلميه كبيره ولكنها تحتاج المال
    من اجل العمل وهنا يكمن مقتل هذه الامه وطبعا الامر من نتائج سياسيه الغربيه الاستعماريه التي صنعة في الامه بعض السياسين المأجورين من
    العرب على اعلى المستويات القياديه من اجل تحطيم اي فكره تساعد على الاستفاده من المال الموجود في خليج المتعه العربيه ان الشعوب العربيه
    مكتوب عليها الانشغال في زيادة الراتب والانشغال بالخلافات المذهبيه والصراع بين رجال الدين حول الفئه الناجيه يوم القيامه انها امور مرتبطه
    بعضها مع بعض المحلي مع القطري مع الاقليمي مع الدولي والشعوب العربيه داخل متاهه اسمها تحسين الوضع المعاشي ان الامه في مأزق كبير
    اصبحة فيه على حافة الهاويه / ازمه اخلاقيه شامله ازمه ماليه ازمه سياسيه ازمه هويه حتى اصبح خيار الاردن ومصر وغيرها الاول ولم يشرح
    لنا احد من اصحاب هذه النظريه معنى هذه الكلمه من هو صاحب تقديرالمصلحه هل الحاكم ام الشعب ام الاخرين ام 000000يأخي الامر اكبر من الاخ النقيب ومن هو فوق النقيب لااحد يعرف من يصدر الامر ماهي المصلحه باصدار هذا الامر كون النظام القائم في التكنه /الدوله/ على نفذ ثم
    اعترض…………..

  9. السلام عليكم ورحمة الله وبركاته
    تحية طيبة وبعد ..

    وكل عام وانت بخير
    بصراحه انفجعت يوم شفت الصوره اول مادخلت الموضوع
    فكرت راح اشوف بالونات وهداية
    بس الصوره كانت معبره عن مايدور في هذا الموضوع

    والى الامام دوم

    والله يحفظكم ويرعاكم ,,,

Comments are closed.