4 مايو

انا حجزت مكاني فى طابور الإستعلام عن فاتورة التلفون ع النت 🙂

أه .. عقبال عندكوا ماهى برضه عملولها طابور عشان “الأعداد الهائله” اللى بتدخل ع الموقع .

الناس كلها متفوتره و عايزة تعرف فواتيرها و تسدد اللى عليها ، آه أمال إيه !

مصر بتستقدم بينا ،و لازم كله يسدد . و أهو كله م العلاوة الناوه كاوناوه 30% يا حلاوه

يعني اللى خش ف جمعيه هيسدد و اللى مشتري رغيف عيش بالتقسيط هيسدد و اللى مديون لبتاع الحشيش هيسدد

كله هيسدد .. ربنا يسدد ما علينا.

المهم أنا كنت ع الضهريه كده العميل رقم 261 – عميل فى البنك عشان مخكوا مايرحش بعيد- و بعد منى يجي 100 عميل تاني مستنيين و مستنيليين دورهم

كل سنه و إنتم طيبين

إلا بالحق … هو مش كان فى “قله مندسه” بتقول إن النهارده إستضراب !!

بصراحة الريس لعبها كويس و لازم أرفع القبعه إحتراماً لهذا الرجل، الناس كلها زعلت من اللى حصل فى المحلة ، و لأننا شعب طيب .. خدنا قلم الداخليه فى المحله على وشنا و قام الريس خدنا ف حضنه و طبطب.

و أكرر التحيه للداخليه ، المرة دي إتعلموا من المطب اللى عملوه بأديهم فى 6 أبريل و لا جابوا حس و لا خبر فى التلفزيون عن الموضوع.

كل سنه و إنت طيب يا ريس

قبل ما أمشي … خدوا فرصتين عمل إتنشرت ف الوسيط الجمعه اللى فاتت

فرصة عمل

5 thoughts on “4 مايو”

  1. مهو الأجر على قدر المشقة ولا ايه مانت عارف دول اخونا في الخليج حيجبوها تنضفلهم وتنضفهم بالمرة وانت عارف دول بيفكروا ازاي يا سيدي شعبنا غلبان ومش عارف ايه الي بيتعمل فيه

  2. أبو خليل … طلعت عميل وحنا ماندري 🙂

    وأنا قايلك الشعب مش عاوز أي حاقه من البشوات … هو عاوز يآكل وبس …

    والزياده كلها 200 مليون دولار … يعني صدقه أموال التجار

    وبالنسبه لصاحبنا محمد … ليه كذا بتعمم على الشعب الخليجي ؟ مو حرام نظلم ؟ ترضى أقول كل المصريين فيهم وفيهم ؟ 🙂

    وصدقني يابو حميد اللي عاوز وحده تنضفه مش حيعلن في الوسيط … حيعلن في حته تانيه

    والله يكون بالعون يا اخواني

Comments are closed.