رفعت التعيس .. ربنا يسامحك

دكتور -و آسف انك ملقب بهذا اللقب- رفعت السعيد قال أننا “شوية عيال لاسعه” و يقصد شباب الفييس بوك . و ذلك لأن سيادته قرأ “أحدا منهم يعيش في النرويج ويطلق علي نفسه لقب نسر الشمال” الآتي:

‏ علي الشعب ألا يعلن عن أماكن تجمعه لكي لا يعرفها الأمن‏.‏

‏ ثم ينادي نسر الشمال بتجميع ‏500‏ سيارة بحيث تضم كل سيارة خمسة أشخاص لاقتحام مطار القاهرة لمنع تهريب الأموال‏.‏

طيب ، تسمح تقنعني بكلامك ده اللى بنيته على مجرد رأي من وسط عشرتاشر ألف رأي ليس إلا “اللسعان” بعينه ، فكونك خريج الجامعه الأمريكيه و حاصل على 2 دكتوراه ده معناه إنك لا تتهم الجماعه بأقوال فرد واحد منها ، و ده معناه إن سعاتك راجل محترم العيبه ما تطلعش من بقك على أى حد حتى لو كان عدوك ، و ده معناه انك تقدر تتوقع رد الفعل و الهجوم الحاد اللى هتشوفه بعد كلامك اللى ملوش تلاته لزمه ده

و بما أنى شاب من دور عيالك ، يدوب واخد دبلوم طب سنان من جامعه غلبانه فى الصعيد و باعتبر نفسي واحد من شباب الفيس بوك “اللاسعين” دول ، هكون محترم و مؤدب و مش هاقولك غير ربنا يسامحك

تحديث لناس كاتبه عن الموضوع

11 thoughts on “رفعت التعيس .. ربنا يسامحك”

  1. انا برضه قريت جرنان الأهرام….
    ربنا يسمحه..
    و لو هو فلاح مش بيعرف نت و لا فيس بوك..
    يبقي مايديش رأيه…
    بس ممكن يبقي في خير في منع صفحة فيس بوك من مصر

    و للأخ ابو مروان هو وزير سابق و مش فاكر في ايه؟؟؟!!!

  2. عندنا بسوريا مثل دارج بيقول
    الك… تنبح والقافلة تسير مهو مش معقول كل واحد يجيب سيرة الشباب العربي بالغلط لازم نضربلوا تعظيم سلام وحكون متلكن واقول ربنا يسامحوا مهو بردو مابيعرفش

  3. معلش العمليه لغبطط معايا ….
    بين اللي الله يسامحه و استاذ دكتور اقتصاد….
    و متهيألي شباب الفييس بوك (اللسع) زي ما هو بيقول…
    مش هيسكت..

  4. نحن الفيس بوك الله يرحمو، عطاك عمرو من زمان، نسينا إنو في شي اسمو فيس بوك.

  5. والله يادكتور إبراهيم

    الفيس بوك ذا .. شخصياً مااعرف يروح له منين ؟

    بس اللي اعرفه ان الحرية متاحه للجميع وفي اي مكان في فيس في مدونه

    بس الشيء اللي بيرفع الضغط شويه

    هو التعميم في كل شيء

    المفترض على الدكتور رفعت هذا اذا كان دكتور

    عدم التسرع في تصريح مثل هذا اللاسع

    والله يكون بالعون يارب

  6. وهوه كذلك ياعم راح أخذ أول جوجل أقصد اول تاكسي على الطريق

    ودغري على على مقر الحزب

Comments are closed.