حمى الإضراب تنتقل إلى الأردن

إضراب 4 مايو

و كما كنت أتوقع – و لو أنها متأخره شويه – الإخوة فى الأردن أطلقوا حملة للتضامن مع المصريين فى إضرابهم يوم 4 مايو على الفييس بوك قوامها حتى وقت كتابة الموضوع 400 عضو و فى إزدياد سريع

إضراب النشامى والرجالة

أنا لم أسمع عن أى جروب عربي آخر تضامن معنا لذا فأنا أعتبر أن جروب “إضراب النشامى والرجالة” هو أول جروب عربي يتضامن معنا و يدعو الأردنيين إلى إضراب سلمي عام يوم 4 مايو ، و هى رسالة واضحة لصاحبنا إن رحيله أصبح مطلب عربي و ليس مصري فقط.

و نفسي أشوف بقى إزاي الداخليه المصرية هتجيب الراجل اللى عمل الجروب ، عشان يعملوا فيه الكلاب زي ما عاملين فى إسراء دلوقت

سميه الألفى

طبعاً أنا لم أكن أتوقع أن الممثلين يشاركون أيضاً بهذه الفاعليه على الفييس بوك و لكن سميه الألفى فاجأتنى و فاجئت الجميع و أطلقت نداء من أجل إسراء قالت فيه

مش قادرة اسكت اكتر من كدة حاسة انى باتخنق ..عملت اية اسراء عشان البهدلة دى كلها ..عملت اية عشان تركب عربية الترحيلات زى المجرمين .. تترمى فى زنزانة و تتهان ..لية دة كلة و يعنى اية النائب العام يفرج عنها و بعدين ما ترجعش لحضن امها هو احنا فين ؟؟احنا فين هى دى بلدنا ؟؟ هى دى مصر ؟؟انا مش مصدقة حقيقى مش مصدقة ياريتنى ما عشت لحد دلوقتى ياريت السرطان وهو بياخد اختى من سنتين كان خدنى معاها..ياحبيتى يا اسراء يا حبيبتى يا بنتى ايوة بنتى دى قد احمد ابنى بالظبط ..ياترى مستحملة ازاى ..ياترى بيعاملوكى ازاى ..كل دمعة بتنزل من عينك بتحرق قلبى و قلب كل ام فى مصر ..مصر !! فين رجالتك يا مصر ؟؟ ازاى قادرين يناموا و يشخروا ؟؟ ازاى قادرين تاكلوا ؟؟ ازاى قادرين لسة تقفوا فى طوابير العيش ؟؟ ازاى قادرين تعيشوا عادى كدة ولا كأن حاجة حصلت ؟؟ من اول يوم و انا عايزة اصرخ و اكتب بس كنت خايفة !! مش قادرة اصدق انى بقيت خايفة كدة فى بلدنا !! طول عمرنا كنا مطمنين فيك يا مصر ..اية اللى حصل ؟؟ ازاىبقينا كدة ؟؟ رجعوا اسراء لحضن امها ..استحلفكم باللة الواحد القهار رجعوا اسراء لحضننا ..انا ما عرفهاش و لا عمرى شفتها لكن قلبى موجوع عليها بكتب و دموعى سابقة حروفى ..رجعوها خلاص فهمنا خلاص خفنا قوى و اللة ..خلاص حنحط الجزمة فى بقنا و نخرس بس رجعوها ..رجعوها

نحو فييس بوك عربي

نحو ترجمه عربية اوجهة الفييس بوكأما أنا فعملت جروب لجمع الشباب للمطالبة و المشاركه فى تعريب واجهة الفييس بوك ، و لكن لسه العدد قليل قوى و خبرتي فى جمع الناس على قد حالها ، أتمنى منكم المشاركه لمطالبة القائمين على الموقع وضع اللغة العربية كأحد اللغات الرسميه للموقع خاصة و إن الأمر بيعتمد أساساً على الأعضاء أولاً و أخيراً ، و أظن إن الأعضاء العرب عددهم مش قليل

كمان فى عرب معرفتهم باللغه الإنجليزية ضعيفه و لكن ليهم وجود قوى على الإنترنت ، مينفعش الناس دي متكونش مشاركه معانا فى أحداث و تطورات مهمه على الموقع فقط بسبب لغته !!

و بس خلاص.

8 thoughts on “حمى الإضراب تنتقل إلى الأردن”

  1. الجروب الاردني ده يا ابراهيم اعتقد انه اضراب اردني خالص، مش تضامنا مع الاضراب المصري، لكن نقدر نقول انه بوحي الاضراب المصري. لان هم كمان عندهم مشاكل والحكومة كابسة على نفسهم. بس الخبر ده مهم جدا، اولا احنا مش لوحدنا وكلنا في هذا الهم عرب. والحكومات واحدة نفس العصابة ونفس الخيانة ونفس السيطرة على السلطة. كمان ده بيبين اهمية دور مصر بجد مش كلام في الهوا. ده بقى اهمية دور مصر الحقيقية مش مصر الرسمية، يعني شباب مصر اللي هم اساسا روح وجسد التحركات التحررية دي. لان العرب متابعين لما يحدث عندنا، والفرقعة بتاعة اضراب 6 ابريل لها صدى جامد ومشجع لنا في مصر وللشباب العربي المقهور في كل مكان. ولازم نفتكر انهم اخواتنا وفيه حاجات كتير بتجمعنا. يعني هذا الجهاد الشبابي هو جهاد عربي لان كل الدول العربية تقريبا خاضعة لارهاب لصوص السلطة. هذا ينطبق على بلد فقير زي مصر او بلد غني زي السعودية اللي العائلة المالكة في فاسدة فساد لا يتصور ايضا وسارقة بلد موارده مليارات الدولارات. وما حدش عندهم يقدر يتكلم برضه. واتحاد شباب العرب على نفس الفكرة هيدي للفكرة قوة في كل بلد منفصل. يا ريت بعد كده هذه الاحتجاجات تكون عربية موحدة اليوم ومتقاربة في الهدف.

  2. يعني يا ريت فيني ساعدك أنا عندي غروبيين عل الفيس بوك واحد منو اسمو we love syria
    بس الفيس بوك انحجب بسوريا وما بقا فينا ندخله وإلا والله كنت لا قيتنا عل الأول وحياتك

  3. بجد مشكور على المجهود الرائع في جمع كل البيانات دي…مع ان معظم أصدقائي من الأردن محدش جبلي سيرة الاضراب ده خالص…على العموم أنا مش مستغرب ان شعب الأردن يعمل موقف زي ده لانه من أكثر الشعوب العربية احتارمًا و صدقًا. على العموم أنا بضم صوتي لصوت كل المصرين و العرب و لصوتك أكيد و نحاول نتضامن مع مصر في 4 مايو..و بحب أشكر الفنانة سمية الألفي على مبادرتها الأكثر من مشجعة. ربنا معانا.
    بالمناسبة مدونتك رائعة و بتمنالك المزيد من النجاح.

  4. انا فعلا قريت كلمة تضامنا دي قبل حتى ما اكتب اللي انا كتبته، لكن انا كنت حسيت انها غير دقيقة، والادق انه تزامنا مع اضراب مصر مش تضامنا معاه، اضراب اردني يتزامن وبوحي من اضراب مصر، لان التضامن معناه ان اضرابهم يكون للمطالب المصرية، لكن ده اضراب اردني ضد الحكومة الاردنية، وزي ما قلت انا شايف انها فكرة ممتازة، بس التعبير غير دقيق. والله أعلم!

  5. اله واحد قبلة واحده امة واحده قال رسول الله صلى الله عليه وسلم \مثل المسلم للمسلم كالجسد الواحد اذا تداعى عضو تداعت له سائر الاعضاء بالحمى والسهر او كما قال رسول الله صلى الله عليه وسلم\ فيا امة الاسلام الاسلام ماذال بخير بشبابه ورجاله المخلصين فان هذه الانظمه اوشكت على الغروب باذن الله وذيذهبون الى مذبلة التاريخ امثال ابن العلقمي ووالي عكا والملك حسين والملك فاروق والرئيس السادات الذي اعطى الضوء الاخضر لدول العام للاعتراف بحق وجود اسرائيل على حساب دينيه من اجل ان ياخذ الجائزه وقد اخذها \جائزة نوبل\ ولم ياخذها معه عند ربه وضيع الامانه التي حملها اسلافه\نجم الدين-0 الشيخ صلاح الدين -قطز-بيبرس\رحمهم الله والذين دافعو عن الامه بالغالي والنفيس

Comments are closed.