لا للعنف الحادث فى المحلة

مشاهدة ما يحدث فى المحلة الأن جعلتنى أحزن و أغضب تماماً من هذا العنف و هذه البلطجة من طرفي الشرطه و جموع الناس

يا حكومة يا ناقصه … يا ناس يا همج

إتقوا الله فى مصر … بلدنا مش ناقصه

الشرطة بتستخدم الرصاص الحي و لا واقفين عند أطفال و لا ستات ، و شوية همج حولوا الإضراب السلمي لحرق و تدمير للممتلكات و سرقه و نهب من المنشأت الحكوميه

حسبي الله و نعم الوكيل

6 thoughts on “لا للعنف الحادث فى المحلة”

  1. هذه هي النتيجة الطبعية لدعواكم، وتحريض الشعب علي الإضراب

    إضراب ايه في مصر ياناس!

    ملحوظة: سؤل أحدهم عن معني “الإضراب” في مصر قال مسرعاً هو أن تزل الى الشارع و”تضرب” كل من يقابلك.

    وكل إضراب وأنتوا طيبين،

  2. “ويكأنني لم أشاهده قبلك فعلاً!” شاهدته عزيزي، ورأيت بأم عيني نتيجة تحريضكم ودعواكم الخائبة، وإضرابكم الفااااشل.

    لا أعلق المسئوليه عليكم بس يمكن الموضوع “وسع” شويه لانه من البداية كانت الدعوة بدون وعي ولا تفكيرفي العواقب، حتى العمال اللى الإضراب قام على حسّهم في الزحمة، لم يضربوا ولا يشاركوا كما متوقع، كان حقكم تدربونا الأول وتفهمونا يعني إيه إضراب سلمي وتنزلوا الشارع قبل التحريض الى إضراب عام لشعب فوضوي وتعبان وزهقهان وطهقان، ينتج عنه ماحصل.

    -وربنا ينتقم من اللى كان السبب- أصبحت الأن هذه الدعوة التى تتردد على الحكومة الغبية الفاسدة وكذلك على من حرضوا وهييجوا على الإضراب والتظاهر بدون وعي، لا وكمان بيقولوا الإضراب نجح!

    ونتلقي في الإضراب القادم بتاع عيد ميلاد الريّس هههههههههه….

  3. يا أخى حتى المدونة كانت معتبرة تعليقك Spam … سبحان الله !!

    لكن يا أخى أنا مش عارف إزاي كان ممكن “ندرب” الناس على إضراب .. يعنى نعقد دورات تدريبية و للا نعلق لوح إرشاديه فى الشارع !!!!!!!!

Comments are closed.