6 أبريل .. ليكن يوماً تاريخياً و قلماً مدوياً نصفعه للنظام الفاسد

6 أبريل .. العصيان المدني العام

إتفقت كافه القوي الوطنية في مصر علي أن يكون

يوم 6 إبريل

يوم إضراب عام في مصر
يوم 6 إبريل
خليك قاعد في البيت أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب
(حزب العمل المصري- حركة كفاية – الإخوان المسلمين – حزب الكرامه – حزب الوسط – حركة موظفي الضرائب العقاريه – عمال غزل المحلة – حركة إداريي وعمال القطاع التعليمي – نقابة المحامين – حركة أستاذه الجامعات)

6 أبريل

إضراب عام في مصر سلمي
أبعت رسايل لخمسة من أصحابك
ولو كل واحد بعت لخمسة
في ظرف يومين البلد كلها حتعرف
بالموبايل
بالأرضي
بالأيميلات
أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات ألي بتقروها
بيكوا وبينا البلد دي حتتغير إن شاء الله
المسيحين مع المسلمين لصالح مصر

————

تحديث

روابط خارجية

12 thoughts on “6 أبريل .. ليكن يوماً تاريخياً و قلماً مدوياً نصفعه للنظام الفاسد”

  1. » محمد شدو
    إن شاء الله .. على فكره لازم المهاجرين كمان يشاركوا بالإعتصام أمام السفارات المصرية

    » أبو مروان
    يارب

    » سنمار
    نعم انا بشحمه و لحمه 🙂

  2. موضوع المهاجرين ده كويس انك قلته، ما حدش كان فكر فيه، وان كان مشاركتهم مش هينفع تبقى بالشكل ده. مثلا في امريكا المدن بعيدة جدا عن بعضها وما يقدرش يشارك الا اللي عايشين قريب من السفارة. كمان يوم 6 ابريل يتوافق انه يوم أحد يعني يوم عطلة رسمية وده في صالح المهاجرين لانهم كده يقدروا يروحوا. بس الموضوع كان يتطلب ذكرهم في الحملة عشان يفكروا اساسا في الموضوع.

  3. على قدر اهل العزم تأتى العزائم وتأتى على قدر الكرام المكارم
    وتعظم فى عين الصغير صغارها وتصغر فى عين العظيم العظائم
    اناشدكم ياهل مصر قولوا لا للفساد لا للمبالاة من قبل الحاكم لشعب مصر المطحون اننا نقتل بايدى الامريكان فى بلادنا والمقابل اعتذار هل لو اللى حصل دة لامريكى والجانى كان مصرى كانت امريكا قبلت الاعتذار اقل مافيها كانت استلمت القاتل لتحاكمة فى بلادها وكان اللى سلمة لها هو الحاكم عندنا اننا فى مصيبة سودة ياناس

  4. الله ينور عليكم بس يا ريت نشوف أكبر علامه على نجاح الفكره وهى ان الحكومه يكون باقى عندها ولو نقطة دم واحده أو ذره من الكرامه و تقدم استقالتها هى والرئيس يوم 5 ابريل ألاصحيح أنا لو حبيت أنزل فى اليوم ده لنقف جنبا الى جنب يا ترى هايكون ايه البرنامج علشان أحنا مش كفايه بعد كل اللى حصلنا ده وفى الآخر يكون الاعتراض اننا نقعد فى البيت يا ريت تردوا عليا بسرعه و ربنا معانا جميعا فى وجه كل ظالم

  5. لقد غرقنا فى الفساد حتى اصبح الحكام ومن حولهم هم المفسدين اصبحوا هم البلطجية واللصوص وكلة بالقانون وترزية القوانيين موجودين وحاميها حراميها اسالكم يا شعب مصر من يتاجر بالسلاح ومن يبيع الشركات ومن يسجن الشرفاء ومن يبيع البلاد للاعداء ومن يسكن القصور ومن يستعبد الناس وقد ولدتهم امهاتهم احرار

Comments are closed.