من أنا ؟مغامرات طبيب فى الأرياف 3
هل تصدقون .. لم أتقاضى حوافزي المالية حتى الأن 
(الموضوع من أوله لو نفسك تضحك)
كم أنت عظيمة يا بلدي .. آخر تطورات الموضوع كان أنى تقدمت بشكوى لمديرية الشئون الصحية فى المنيا منذ قرابة الشهر و نصف … أو أكثر أو أقل لم أعد أحصى الأيام، وسار التحقيق فى الشئون القانونية بسرعة السلحفاة .
و أنتهى الأمر اليوم بأنى قلبت لهم وجهي الصفيح و بدأ أزعق و أعلي صوتي و هددتهم -و أنوى فعلاً التنفيذ- بأنى سأحرر لوحدة الحسابات محضر فى النيابة العامه بتهمة سرقة مستحقاتي المالية لأن الطبيب الذى أدرج إسمه بدلاً منى أعاد للوحدة الحسابية المال الذى إتسكلن (إستعبط) و قبضه و هو لا ناقه له فيه و لا بعير، و هم حتى الأن لم يعيدوا المال لي و ما أسهل أن يعلقوا التأخير هذا على شماعة الروتين.
و من أخباري الريفية الطازه أيضاً أنى ودعت وحدة منشأة الشريعي للأبد بأذن الله و إنتدابي الأن قاصر على وحده الحتاحته الطبية بجانب مستشفى أبو سيدهم للتكامل الصحي.
و بالمناسبة قرية منشأة الشريعي هذه (و تنطق بالمصري منشيّة الشريعي) بلد و منشأ الفنان الموسيقار المصري الشهير عمار الشريعي. و قد شائت الظروف أنى قابلت لمرة واحده -منذ قرابة 5 شهور- أخيه المهندس نجيب الشريعي و هو حالياً عضو فى مجلس الشورى المصري و كان فى أطار لقاء وعد فيه بتطوير الوحده الفقيرة و لكن وقف الأمر عند الوعود ، و ها أنا أغادر الوحدة و لم ألمس أى تطوير … لهم الله هؤلاء المرضى.
Loading ...
خلاصة المدونة RSS
قطر الندى
21 November 2007 5:35 pm
ياه الموضوع ده من زمان اوي
لك الله يا مصر
هو ده حالنا دايماً مشوهين اسم وسمعة البلد بأفعالنا الغير مسؤولة
بس على فكرة في شخصيات كتير أمينة جداًوبتتفانى في شغلها
بس الواحد مش فاهم الخلل جاي منين بالضبط
AAM
21 November 2007 11:04 pm
أخي الكريم
ممكن أعرف كم راتب الطبيب في مصر ؟
21 November 2007 11:16 pm
» قطر الندى
كلمة مشوهين سمعة بلدنا حسستنى إن سمعة بلدنا أصلاً فى السما و إحنا اللى مطيننها بطين .. دى حقائق يا هبة مش تشويه..
سمعتي أكيد عن عماد الكبير .. فى ناس برضه إعتبروا المدونين اللى نشروا الموضوع بيشوهوا صورة مصر !! و عجبي
» AAM
مدونة ثواب » الرواتب و الأجور فى مصر
قطر الندى
21 November 2007 11:41 pm
احم احم
أنا كلامي اتفهم غلط
أنا مش بتكلم عن حضرتك أو المدونيين
أنا بتكلم عن الناس الي بتعمل كده فتصرفاتهم غير مسؤولة فبيشوهوا بقى صورة البلد
هي الجملة فوق صياغتها كانت غلط؟؟؟
21 November 2007 11:57 pm
لأ هي مش غلط أوى بس صيغة الكتابة فهمت منها إنك تقصدي المدونيين .. بأعتبار حضرتك و أنا و نسبة كبيرة من القراء أصحاب مدونات.
عابر سبيل
27 November 2007 7:52 am
هههههه من متى والله أذكر معاناتك مع البدلات
الله يعينك
اسلام ابوطلبة
15 December 2007 2:57 pm
اللي عند الحكومة هايضيع ،نصهم راح لجمال والنص التاني لابوا السيـد؟
او اعتبرهم تبرع لحساب الاداراة الصحية :مفتش اغذية ؟
د عبد الله صيدلي
15 December 2007 3:00 pm
ده جزاة الطيب في الزمن ده لو عملت ذي مفتش الاغذية كانت الاداراة عملتلك الف حساب؟